mbt3th UK
من نحن؟ 🇸🇦🇬🇧
من مبتعث سابق، لكل مبتعث حالي ومستقبلي.
قبل فترة، كنت مكانك تمامًا. طالب مبتعث في بريطانيا، أعيش تجربة جديدة، وأواجه تحديات وأسئلة كثيرة، من البحث عن السكن والتعامل مع المكاتب، إلى تفاصيل الحياة اليومية والأشياء اللي كنت أتمنى أحد يختصرها علي.
وخلال تجربتي، كنت دايم أفكر: ليش ما يكون فيه مكان واحد يجمع كل شيء يحتاجه المبتعث؟
مكان يساعدك قبل ما تسافر، ويوقف معك أول ما توصل، ويكون معك طوال رحلتك. مكان تلقى فيه السكن، والاستشارات، ومستلزماتك، والفعاليات، والمجتمع اللي تنتمي له، وكل شيء ممكن يسهّل عليك غربتك.
ومن هنا بدأت فكرة مبتعث UK.
قررت أبني المنصة اللي كنت أتمنى تكون موجودة وقت ابتعاثي.
مو مجرد موقع يقدم خدمات، بل منصة تفهم المبتعث لأنها انبنت من تجربة مبتعث.
طموحنا نصبح أكبر منصة للمبتعثين في بريطانيا، ونجمع كل ما يحتاجه الطالب في مكان واحد. نربط الطلاب بالجمعيات السعودية، ونشاركهم آخر الفعاليات والفرص، ونوفر لهم خدمات تسهّل حياتهم، ونستمر نطور ونضيف كل شيء ممكن يخلي تجربة الابتعاث أفضل.
نعرف إن الابتعاث مو بس دراسة وشهادة، هو غربة وتجارب وتحديات وذكريات تبقى معك طول العمر.
وعشان كذا، هدفنا إنك تعيش أجمل ما في الابتعاث، ونساعدك نتجاوز أصعب ما فيه.
كل خدمة تمنيت وجودها، وكل مشكلة تمنيت لها حل، وكل شيء حسيت إنه كان ممكن يسهّل رحلتي، راح أشتغل على توفيره لك.
مبتعث UK — المنصة اللي تمنيت تكون موجودة وقت ابتعاثي، واليوم أبنيها عشانك. ❤️
